Bryllaupslaget til kyrkjetenar Kolbein Haugland og Inger Kristine Skjold i Ølen, 26. juli 1915. Presten de Seuv og klokkaren E. Einarsen sit bak brudeparet.

Kolbein Haugland budde i ei gamal stove i "Svingen" i Ølen. Han var kyrkjetenar i Ølen kyrkje, og måtte stundom pumpe belgen til orgelet før dei fekk elektrisitet i bygda. Biletet er frå det andre bryllaupet hans.

-------------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: July 26, 1915

Produksjon: 1985