Frå garden Kåta i Ølen, ca. 1920. Frå venstre: Simon Kåta, Kari Kåta (gift med Simon), Simon Kåta (son til Simon og Kari), Ragnhild Kåta, Sjur Kåta, Malene Kåta med dottera Emma , ...

Malene, Anna, Sina og Lise Kåta er alle døtrene til Simon og Kari Kåta. Biletet er teke i samband med Malene, Emma, Sina og Lisa si vitjing frå USA.

------------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1920 (ca.)

Produksjon: 1985