Amtgrensestolpe oppsett i 1868 mellom Romsdal- og Nordre Bergenhus amt på hovedvegen over Maurstadeidet

I Statens vegvesen sitt interne magasin for Møre og Romsdal "Veg og Virke" nr. 4/1987, skriver Bjarne Rekdal i artikkelen "Amtsgrensestolpar på Sunnmøre" mellom anna:

" I skriv til amtmannen i Romsdals amt 11. mai 1867 gjorde veginspektøren for Vestre Sunnmøre - N. Gregersen - merksam på at det kunne være nødvendig å få oppsett amtsgrensestolpar på den nye vegen over Maurstadeidet og hovedvegen over Bjørkedalseidet, då den gamle steinen på sistnemde stad var "utsliten".

Veginspektøren føreslo at Romsdals amtsvegkasse bar utgiftene med den eine stolpen. Han opplyste at han samme dag hadde skrive til amtmannen i Nordre Bergenhus om det same.

I skriv til Romsdals amt 13. januar 1868 bad veginspektør N. Gregersen, som då også var veginspektør i Austre Sunnmøre, om mynde til å tinge 3 amtsgrensestolpar til oppsetjing ved hovudvegar på grensa til Nordre Bergenhus amt. Det gjaldt hovudvegen over Maurstadeidet, hovudvegen over Bjørkedalseidet og på grensa mellom Sunnylven og Hornindal.

Veginspektøren hadde fått tilbod fra steinhoggarane Hans Brekke og Severin Nossen i Ørsta om levering av steinstolpar med innhogd påskrift for 4 spd. for stykket. Ved påskrift 22. januar 1868 frå amtmann Arveschoug på Gregersen sitt skriv fekk veginspektøren det mynde han bad om. Det var føresetnad frå amtmannen at veginspektøren allerede hadde samtykke frå Nordre Bergenhus amt om deling av utgiftene med ein halvpart på kvart amt.

Amtsdelestolpane vart levert av steinhoggarane i Ørsta hausten 1868. Grensestolpen på Maurstadeidet vart oppsett av Ole O. Thue den yngre i desember 1868."

Seinere i samme artikkel skriver Bjarne Rekdal mellom anna:

"I melding nr. 37 av 26. februar 1963 frå Vegdirektoratet til vegsjefane er opplyst at arbeidet med normalisering av fylkesgrensesteinar var avslutta. Med meldinga følgde eit teikning-sett som viste det ein var kome fram til med omsyn til form for steinane og utstyr. Vegdirektoratet fann det ønskeleg at steinane vart så einsarta som mogeleg, og at dei difor så langt det var økonomisk rimelig, vart laga på samme stad. Vegdirektoratet bad om at dei fylke som trong nye fylkessteinar sendte tinging gjennom Vegdirektoratet.

I brev av 10. juli 1963 til Vegdirektoratet vart det frå vegkontoret i Møre og Romsdal tinga nye fylkesgrensesteinar til riksveg 600 på Maurstadeidet, til riksveg 590 i Stigedalen, der det tidlegare ikkje var oppsett grensestein, og til riksveg 580 på Kjelstadli. Disse steinane vart oppsett av vegvesenet i Møre og Romsdal i 1964.

Den nye steinen på Maurstadeidet er oppsett på andre sida av vegen enn der den gamle steinen står. Det same er steinen på Kjelstadli."

Fotografering - 1987