HistoryBustetun 061, bnr. 3. Eit nytt Hotel Hardanger vart opna i 1896, etter at det gamle brann ned. Hotellet var ein av dei største tre-. bygningane i Noreg, og dominerte hamna i Odda. Hotellet var prydd med treskurd av Lars Kinsarvik og veggmåleri av Nils Bergslien. I 1904 kom noko nær halvparten av alle utanlandske besøkjande til Noreg innom Odda. Det kunne liggja fleire cruiseskip på hamna på ein gong i Oddapollen. Turismen avtok etter som industriutbygginga tok til. Odda kommune overtok bygget og brukte det som rådhus i perioden 1917-1958. Då var det og vidaregåande skule i bygget. Dei siste åra var det nytta som lager for Hardanger Sunnhordlanske dampskipsselskap, og fekk hard medfart. Bygget vart rive i 1977 etter å ha vore kino, møtelokale og lager i mange år. Odda ungdomslag har teke vare på mange detaljar frå interiøret, t.d. treskurden i matsalen, glasvindauga, ei trapp, ein del av brystningspanelen, messinglampane, nokra av maleria med innramminga intakt og 2 av ljoshimlingane. Dette er nytta til dekorasjon i Ungdomshallen i Odda og kan sjåast der.
Hotel Hardanger hadde 110 gjesterom med 170 senger. Ein spisesal med plass til 250 spisegjester, dekorert med ein frise i trearbeid av kunstnaren Lars Kinsarvik som gjekk rundt heile spisesalen. Nils Bergslien hadde malt store nasjonalromantiske bilder som var felt inn i veggane. Hotel Hardanger blei teikna av arkitekt Hans Heinrich Jess, ein tysk arkitekt som hadde slått seg til i Bergen. Norsk nasjonalromantikk og sveitsarstil i ein blanding, og som bydebokforfattar Olav Kolltveit karakteriserer som vellukka for den tida. Det var som Kolltveit seier, eit liv i og kring Odda som om sommaren var som eit «high life». Odda tydelegvis staden å være om du skulle bli sett. Grindagutar og hestekarar med karjol hadde gode liv – om somrane. Odda var blitt eit slags bonde- og tuistsamfunnet sitt Las Vegas – om sommaren. Hotellet var opplyst av elektrisk kraft - et Soria Moriaslott og vel så det. (Jan Gravdal)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».