Felespelarar på Hedalsstølen/ Fetstølen juli 1946.
Skrevet på registreringskortet: Øystre Slidre Spelemannslag samla på Fetstølen hjå Berit og Ola Lie Haugen i juli 1946. Stølen ligg til Okshøvdhaugen 7/2 i Skammestein.
Fremre rekk ...
Skrevet på registreringskortet: Øystre Slidre Spelemannslag samla på Fetstølen hjå Berit og Ola Lie Haugen i juli 1946. Stølen ligg til Okshøvdhaugen 7/2 i Skammestein.
Fremre rekke frå V.Sigurd Robøle, Ivar E. Robøle, Haldor Hegge, Knut Bergheim d.e. Ola Okshovd, Knut Ø. Rudi, Ola Lie Haugen.
Bakre rekkje frå V. Andris Dahle, Nils Lie Haugen, Tollef Smådalen, Torleiv Bolstad, Nils Onstad, Lars Tvenge, John Smådalen, Alfred Moen, Knut Bergheim d.y, Trond Hedalen.
I forgrunnen sit Olav Jørgen Hegge og systera, Gudrun Synnøve.
Fotografiet er nytta som illustrasjon til CD-innspeling til Andris Dahle, men er der datert til den 4. sept. 1949. Denne datoen er feil, ifylgje Gudbrand Lie Haugen.
Valdres Folkemuseum vart stifta i den nasjonale rusen omkring hundreårsskiftet, 10. mars 1901. Det var den utflytte valdrisen Nils K. Ødegaard som tok til orde for at Valdres måtte få eit offentleg museum. Bak stiftinga låg ideen om kva styrkt medvit om fortida kunne få å seie for framtida åt folk i Valdres.
I 1905 kjøpte museet Handeloftet frå garden Hande i Vestre Slidre. I mai 1906 vart Valdreshaugen (ei tre mål stor tomt) kjøpt frå Nes gard. Her kom Handeloftet opp. I 1917 selde museet Valdreshaugen og kjøpte 18,5 mål ute på Storøya. Sidan har dette vore tilhaldsstad for Valdres Folkemuseum.
Heim for 100 bygningar og anlegg
Valdres Folkemuseum er eit av dei største friluftsmusea i Noreg. Det er 100 hus og anlegg innanfor skigarden på museet. Mellomalderloftet frå Uppigard Høve er det eldste (frå før 1350) ikkje-kyrkjelege trehuset i Valdres i dag og vart oppsett på museet i 1946-1947. Museet har eit flott stølsområde. Her står stølshus frå 1700-talet og Tvengestølen frå 1948. Denne stølen vart oppsett på museet i 1998.
Samlingane på Valdres Folkemuseum teller 25 000 gjenstandar. Her er landets eldste lokale folkemusikkarkiv med over 12 000 enkeltspor med musikk og song. Museet sitt fotoarkiv teller 75 000 bilete. Opplandsarkivet har ei avdeling her med om lag 600 ulike papirarkiv. Valdres Folkemuseum har eit studiesenter og ein instrumentverkstad med produksjon av langeleikar, hardingfeler og strenger. Valdres Folkemuseum er eigd av dei seks Valdres-kommunane.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».