Småbrøtstølen på Rabalen, g.nr. 45 og br. nr.23.
Bilete er take i 1941.
Skrevet på registreringskortet: Dette er det gamle sælet på Rabalen som høyrde til " Småbrøto" 45/23.
Legg merke til at det er eit tilbygg som vart nytta til kyrfjøs. Dette sælet ...
Skrevet på registreringskortet: Dette er det gamle sælet på Rabalen som høyrde til " Småbrøto" 45/23.
Legg merke til at det er eit tilbygg som vart nytta til kyrfjøs. Dette sælet vart bygd kring 1850 og nedrive i 1980-85.
Ved og i dette sælet var det TV opptak av Børt Erik Toresen i 1970 åra.
Der deltok Anne og Eivind Hovi som var eigarar og dottera Ragnhild Ringli som mjølka ei kyr. Sigrid og Gullik Ringli og Haldor Hegge.
Ingrid Sebu fortalde om ysting og kinning og synte fram gamle bruksting som vart nytta i produksjonen av ost og smør.
Valdres Folkemuseum vart stifta i den nasjonale rusen omkring hundreårsskiftet, 10. mars 1901. Det var den utflytte valdrisen Nils K. Ødegaard som tok til orde for at Valdres måtte få eit offentleg museum. Bak stiftinga låg ideen om kva styrkt medvit om fortida kunne få å seie for framtida åt folk i Valdres.
I 1905 kjøpte museet Handeloftet frå garden Hande i Vestre Slidre. I mai 1906 vart Valdreshaugen (ei tre mål stor tomt) kjøpt frå Nes gard. Her kom Handeloftet opp. I 1917 selde museet Valdreshaugen og kjøpte 18,5 mål ute på Storøya. Sidan har dette vore tilhaldsstad for Valdres Folkemuseum.
Heim for 100 bygningar og anlegg
Valdres Folkemuseum er eit av dei største friluftsmusea i Noreg. Det er 100 hus og anlegg innanfor skigarden på museet. Mellomalderloftet frå Uppigard Høve er det eldste (frå før 1350) ikkje-kyrkjelege trehuset i Valdres i dag og vart oppsett på museet i 1946-1947. Museet har eit flott stølsområde. Her står stølshus frå 1700-talet og Tvengestølen frå 1948. Denne stølen vart oppsett på museet i 1998.
Samlingane på Valdres Folkemuseum teller 25 000 gjenstandar. Her er landets eldste lokale folkemusikkarkiv med over 12 000 enkeltspor med musikk og song. Museet sitt fotoarkiv teller 75 000 bilete. Opplandsarkivet har ei avdeling her med om lag 600 ulike papirarkiv. Valdres Folkemuseum har eit studiesenter og ein instrumentverkstad med produksjon av langeleikar, hardingfeler og strenger. Valdres Folkemuseum er eigd av dei seks Valdres-kommunane.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».