Tråbilen «Pil tempo elegante», laget av Liss-Mona Wammer-Pettersen og Lise Nordfond Angeltveit, her fotografert i vandreutstillingen «Viva Basket!», som vises på Norsk skogmuseum i...

Som en introduksjon til utstillingen «Viva Basket!» har utstillingsprodusentene – Drude Isene og Sunnhordland museum - skrevet følgende tekst:

«KRAFT AV KREATIVITET
Utstillinga er ein del av prosjektet «Viva Basket! – Korgfletting som ein levande tradisjon i samband med UNESCO sin konvensjon om vern av immateriell kulturarv». Under arbeidet med «Viva Basket!» har me dokumentert fletting som tradisjonelt handverk ved å gjere etnografisk forsking i både Polen og Noreg. Me har freista å sjå korgfletting i ein brei kulturell kontekst, og har undra oss over kvifor fleire og fleire i den siste tida tek opp att handverket og ønskjer å nytta hendene til å skapa.

Som venta er svara me har fått ulike i Noreg og Polen, avhengige av stad og person. Men likevel finn me at i handarbeid og handverk ligg universelle kunnskapar som knyt oss saman som menneske, uavhengig av bustad og nasjonalitet. Under feltarbeida våre har me sett at same teknikkar og material blir nytta på tvers av landegrenser, og gjev oss eit felles språk uavhengig av språkbarrierar.

Me er også oppteken av korleis me skal ivareta fletting som handverk i framtida. Korleis skal ein kunne klara å vidareføre kompetansen dom ligg bak tilverkinga av dei mange ulike korgene me har dokumentert, og ikkje bare samla på korgene som materielle vitnesbyrd? Ein måte å gjera dette på er å søkja om å inkludera korgfletting i UNESCO-lista for vern av immateriell kulturarv. Prosjektet «Viva Basket!» er realisert som eit samarbeid mellom Serfenta Association frå Polen, i samarbeid med Søre Skogen og Sunnhordland museum i Norge.»

Collapse text