Frå venstre: Elise Kløvrud, Olava Kløvrud, Anne Kløvrud f. Lundene, Olea Røang med Håkon Listerudbakken på fanget, Torbjørg Kløvrud, Thora Listerudbakken med Olav Listerudbakken på ...
Frå venstre: Elise Kløvrud, Olava Kløvrud, Anne Kløvrud f. Lundene, Olea Røang med Håkon Listerudbakken på fanget, Torbjørg Kløvrud, Thora Listerudbakken med Olav Listerudbakken på fanget ( nyfødt 30.07.1924) og Jørgen Listerudbakken heilt til høgre. Personen heilt bakerst er ukjent.
Biletet er teke i samband med fødselen til Olav Listerud. Jordmor var nabobudeia, Anne Kløvrud. Olav var det siste barnet som vart fødd på Bagn vestås, så det var litt av ei hending!
I 1920 vart det oppsett hus på tuftene etter gamletunet på garden Islandsmoen. Veslestabburet og Smettbakbua skulle danne utgangspunktet for det som seinare vart heitande Bagn Bygdesamling. Dei fyrste åra var dette eit privat gardsmuseum, der både hus og gjenstandar hadde tilknyting til folka på Islandsmoen. Etterkvart kom det til fleire gjenstandar frå andre stader i bygda, så då samlinga i 1939 vart gjeve til bygda var namnevalet naturleg.
Museet har i dag 16 hus med gardstun frå Islandsmoen, telthus frå Vangen på Bagn, og forpaktarbustad frå prestegarden i Bagn. Ei oppgangssag, bekkekvern, skogskoie, badstugu og stabbur står ved Islandselva. Sør for Islandselva fins ein naturstig med skogen som tema. Ei krigsminneutstilling i samband med krigshandlingane i Valdres 1940 er sett opp inne i administrasjonsbygningen. Opplandsarkivet har ei avdeling på museet med gamle arkiv frå lokale lag og foreiningar. Ei fotosamling på omlag 3500 bilete er òg oppbevara her. Bagn Bygdesamling ligg ved E-16, fem kilometer sør for Bagn sentrum i Sør-Aurdal kommune.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».