Vangssteinen
Attmed Vang kyrkje står ein sjeldsynt bilet- og runestein.Steinen er reist omkring år 1000, i overgangstida frå heidensk til kristen tru her i landet.
Kopi av risse ...
Vangssteinen
Attmed Vang kyrkje står ein sjeldsynt bilet- og runestein.Steinen er reist omkring år 1000, i overgangstida frå heidensk til kristen tru her i landet.
Kopi av risset på Vangssteinen
Han er rekna for å vere ein av dei finaste biletsteinane i den stilarten som kallast Ringeriksstilen. Denne nemninga verkar underleg når ein veit at steinen ganske sikker er hogd på staden av lokal glimmerskifer. Årsaka, er at 3 andre biletsteinar i denne gruppa er laga av sandstein frå Ulvøya på Ringerike.
Steinen er ca. 2m høg, og framsida er rikt dekorert, øvst eit fabeldyr, kanskje ein løvefigur, under eit rikt forgreina bladverk og bandfletting med breie, sikre og klare strekar. Nedst er komposisjonen avslutta med ein bord, eit tverrband med eit enkelt geometrisk mønster.
På høgre smalside er det hogd inn 42 runer. I nokre av dei første tolkningane vart denne runeinnskrifta tydd slik:
"Gåsesønene reiste denne stein etter Gunnar sin bror"
Men dei siste 60-70 åra har runologane vore einige om følgjande tolking:
"Gåsesønene reiste denne stein etter Gunnar, brorson sin"
Ringeriksstilen og motivet på Vangssteinen er nok inspirert av stilretningar på slike arbeid elles i Europa frå denne tida, mellom anna finn ein liknande motiv på biletsteinar i Danmark, Sverige
Valdres Folkemuseum vart stifta i den nasjonale rusen omkring hundreårsskiftet, 10. mars 1901. Det var den utflytte valdrisen Nils K. Ødegaard som tok til orde for at Valdres måtte få eit offentleg museum. Bak stiftinga låg ideen om kva styrkt medvit om fortida kunne få å seie for framtida åt folk i Valdres.
I 1905 kjøpte museet Handeloftet frå garden Hande i Vestre Slidre. I mai 1906 vart Valdreshaugen (ei tre mål stor tomt) kjøpt frå Nes gard. Her kom Handeloftet opp. I 1917 selde museet Valdreshaugen og kjøpte 18,5 mål ute på Storøya. Sidan har dette vore tilhaldsstad for Valdres Folkemuseum.
Heim for 100 bygningar og anlegg
Valdres Folkemuseum er eit av dei største friluftsmusea i Noreg. Det er 100 hus og anlegg innanfor skigarden på museet. Mellomalderloftet frå Uppigard Høve er det eldste (frå før 1350) ikkje-kyrkjelege trehuset i Valdres i dag og vart oppsett på museet i 1946-1947. Museet har eit flott stølsområde. Her står stølshus frå 1700-talet og Tvengestølen frå 1948. Denne stølen vart oppsett på museet i 1998.
Samlingane på Valdres Folkemuseum teller 25 000 gjenstandar. Her er landets eldste lokale folkemusikkarkiv med over 12 000 enkeltspor med musikk og song. Museet sitt fotoarkiv teller 75 000 bilete. Opplandsarkivet har ei avdeling her med om lag 600 ulike papirarkiv. Valdres Folkemuseum har eit studiesenter og ein instrumentverkstad med produksjon av langeleikar, hardingfeler og strenger. Valdres Folkemuseum er eigd av dei seks Valdres-kommunane.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».