Riving av Sportskafeen på plassen framfor rådhuset i 1969.

I huset som stod mellom rådhuset/justisbygget og brannstasjonen fann ein Sportskafeen i første etasje. Kommunen oreigna huset
i samband med bygging av justisbygget, som stod ferdig i september 1968. Eitt aspekt var også at krysset ved brannstasjonen skulle verta meir oversiktleg. Eigarar av Sportskafeen var då Gudmund og Margreta Vårdal, som fekk to år på seg til å finne eit nytt husvære. Vårdal hadde teke over styringa av kafeen i 1963 frå Jorunn Pedersdtr. Sandvin som hadde styrt kafeen i over 30 år. Jorunn Sandvin var gift med Oddmund Torsteinson Sandvin, og etter å ha overdrege garden på Sandvin til hans yngre bror flytte dei til Odda, der dei tok over drifta av Sportskaféen i 1931. Sportskaféen hadde starta under namnet Kafé Central i Handelshuset allereie i 1913. Helene Torekoven dreiv kaféen etter at første eigar Amundsen vann ein sum og selde kaféen. Det var Torekoven som gav kaféen namnet Sportskaféen i 1929.

Vårdal ynskja å driva kaféen vidare. Kommunen hadde kome med tilbod om ein plass i det nye Justisbygget, men lokala var ikkje heilt eigna for dette. Sportskaféen flytta for ei kort tid inn i Folkets Hus før dette vart rive i 1971. I 1974 flytta Sportskaféen inn i nye lokale i 2. høgda i Sparebankbygget, etter å ha vore stengd i tre år. Her vart dei verande til dei stengde dørene for godt den 26. april 1991.

Kjelder: Lokalavisene Hardanger og Hardanger Folkeblad.

Fotografering: 1969 - 1970

• Adresse,Norge Hordaland Odda Opheimsgata 22
• ProfessionForretningsførar ved Odda Trygdekasse
• GenderMann
• DigitaltMuseumSearch in «Birkeland, Knut K.»

Eierskap