Bruflat badstue blei bygd av ildsjeler i det lokale helselaget i 1951. Badstua var tenkt som eit helsefremmande tiltak for folk i bygda. Den 19.desember 1952 blei badstua offisielt ...
Bruflat badstue blei bygd av ildsjeler i det lokale helselaget i 1951. Badstua var tenkt som eit helsefremmande tiltak for folk i bygda. Den 19.desember 1952 blei badstua offisielt åpna.
Gunnar Nuhagen blei badeforeninga si fyrste offisielle bademeister med ansvar for oppfyring av badstua. Ved Bruflat badstue blir både badstua og vannet varma opp med ved, noko som førte til at på dei kaldaste dagane, kunne det ta fleire timar for å få opp varmen.
I løpet av 1960-talet blei nesten alle grendebadstuer nedlagde, men Bruflat badstue består den dag i dag.
Frå gamalt av hadde dei fleste gardane i Etnedal ei badstu knytta til seg. Badstua var eit einetasjers tømra hus med ein omn i midten. Badstua blei også før i tida brukt til bading, men det var kun ei lita tid. For det meste blei badstua i gamle dagar brukt til tørking av korn, lin, treplankar og liknande. Dei kunne også bli brukt til avlusing av skinn.
Korn blei lagt inn i badstua og vendt eit par gonger om dagen. Då turka kornet på eit par dagar.
Valdres Folkemuseum vart stifta i den nasjonale rusen omkring hundreårsskiftet, 10. mars 1901. Det var den utflytte valdrisen Nils K. Ødegaard som tok til orde for at Valdres måtte få eit offentleg museum. Bak stiftinga låg ideen om kva styrkt medvit om fortida kunne få å seie for framtida åt folk i Valdres.
I 1905 kjøpte museet Handeloftet frå garden Hande i Vestre Slidre. I mai 1906 vart Valdreshaugen (ei tre mål stor tomt) kjøpt frå Nes gard. Her kom Handeloftet opp. I 1917 selde museet Valdreshaugen og kjøpte 18,5 mål ute på Storøya. Sidan har dette vore tilhaldsstad for Valdres Folkemuseum.
Heim for 100 bygningar og anlegg
Valdres Folkemuseum er eit av dei største friluftsmusea i Noreg. Det er 100 hus og anlegg innanfor skigarden på museet. Mellomalderloftet frå Uppigard Høve er det eldste (frå før 1350) ikkje-kyrkjelege trehuset i Valdres i dag og vart oppsett på museet i 1946-1947. Museet har eit flott stølsområde. Her står stølshus frå 1700-talet og Tvengestølen frå 1948. Denne stølen vart oppsett på museet i 1998.
Samlingane på Valdres Folkemuseum teller 25 000 gjenstandar. Her er landets eldste lokale folkemusikkarkiv med over 12 000 enkeltspor med musikk og song. Museet sitt fotoarkiv teller 75 000 bilete. Opplandsarkivet har ei avdeling her med om lag 600 ulike papirarkiv. Valdres Folkemuseum har eit studiesenter og ein instrumentverkstad med produksjon av langeleikar, hardingfeler og strenger. Valdres Folkemuseum er eigd av dei seks Valdres-kommunane.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».