Sjoargarden/Sjoargata i Ølensjøen, 1970. Husa til venstre er Mulagata 64 og 66. Bak Mulagata 66 ser me litt av Sjoargata 36. Det store huset midt i biletet er Sjoargata 62. Det sto...
SubjectSjoargarden/Sjoargata i Ølensjøen, 1970. Husa til venstre er Mulagata 64 og 66. Bak Mulagata 66 ser me litt av Sjoargata 36. Det store huset midt i biletet er Sjoargata 62. Det store mørke huset til høgre i biletet er den gamle tomta til Ekrheims hotell. Bygget på biletet har sidan vorte rive; på tomta er no eit grøntområde. Heilt til høgre ser me hjørnet av Sjoargata 31. I bakgrunnen Bygdarenuten.
Originalbiletet er fotografert av Endre Heggen. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.
I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».