Markering ved minnestøtta utanfor Ølen kyrkje, 9. april 1975. Talar er sokneprest Bjarne Landro. Hans Heggebø held kransen.

Ved nordvesthjørnet av Ølen kyrkje er det reist eit minnesmerke over falne frå Ølen under andre verdskrigen. Minnesmerket har ein oppmurt, vid base med seks små steintårn som ber stålkjetting rundt ein bauta på sokkelstein.

---------------

Originalbiletet er fotografert av Endre Heggen. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1980

Produksjon: 1986