Gardstunet på Romsa, ca. 1910. Frå venstre: Isak Pederson Romsa, Ingvald Åsbø (dotterson til Isak og Guro), Guro Romsa, Anna Dalen (f. Romsa), Anton Romsa og Helene Romsa (f. Dalen...
SubjectGardstunet på Romsa, ca. 1910. Frå venstre: Isak Pederson Romsa, Ingvald Åsbø (dotterson til Isak og Guro), Guro Romsa, Anna Dalen (f. Romsa), Anton Romsa og Helene Romsa (f. Dalen).
Isak Pederson og kona Guro Larsdotter var frå Utbjoa - han frå Oppistovo og ho frå Svalland. De kjøpte garden på Romsa i 1892. I 1907 tok sonen Anton og kona Helene over og hadde garden til dei i 1928 selde til Arne Haukeland og flytte til Hauge på Bjoa.
-----------------------------
Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.
I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».