Frå dobbeltbryllaup med brudekroner ("Sildakruno" og "Kåtakruno") på Lunde i Ølen, 22. juni 1909. Brudeparet til venstre er Thomas Lunde og Ingeleiv Elina Lunde. Ingeleiv Elina har...
SubjectFrå dobbeltbryllaup med brudekroner ("Sildakruno" og "Kåtakruno") på Lunde i Ølen, 22. juni 1909. Brudeparet til venstre er Thomas Lunde og Ingeleiv Elina Lunde. Ingeleiv Elina har på seg Sildakrona. Brudeparet til høgre er Gunnar Dalen og Marta Johanne Dalen (f. Lunde). Marta Johanne har på seg Kåtakrona.
Ei kjend brurekrone frå garden Kåta i Ølensvåg. Det var Sjur Kåta som eigde denne, og ho kunne leigast til bryllaup på nabogardane. Krona vart seld på auksjon etter Sjur og Ragnhild Kåta. Ola Nerheim kjøpte krona - og ein gullsmed i Stavanger eigde ho ei tid - men i dag er ho hjå Haugalandmuseet, på utstilling i Karmsund folkemuseum.
---------------------
Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.
I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».