Postveg
Vegen er truleg bygd kring midten av 1800-talet, til frakting av post før Manger vart dampskipsstoppestad kring 1880. Vegen bind òg saman dei tre kyrkjesokna Manger, Sæbø og Hordabø.
Vedlikehaldsplikt
Dei gamle vegmerka langs vegen fortel kven som hadde ansvaret for vedlikehaldet av vegstykket. Vedlikehaldsplikta var lagd til gardsbruka langs vegen, og storleiken på arbeidsplikta var utrekna etter matrikkelskylda på bruket. Det var lensmannen som såg til at arbeidet vart utført.