Torkild Gunnheim

Torkild Gunnheim (1845-1911) var seminarist og virka som lærar frå 1862 i Sauherad. Ved Jonsås var han lærar i 49 år. Han var gift, men hadde ingen barn. Han hadde nok difor tid til å sysle med mykje.

Etter at det på midten av 1800-talet kom dampbåtar til Gvarv vart det mykje liv her. Gvarv vart brått sentralt og eit viktig knutepunkt for handel og reisande.

Torkild Gunnheim såg at bygda trengde eit løft. Han kjøpte opp tomter i Gamlegata og gamle tømmerbygningar frå bygdene rundt. Tømmerbygningane vart flytta til Gvarv og sett opp. Her vart husa seinare panelte og moderniserte.

Mellom anna har Torkild Gunnheim fått reist Gjestheim, Nilsens Hotell og butikken som vart driven av kjøpmann Haugen i si tid.