Handelsbu, smie og sjøbu
Årbakka høyrer til dei yngre handelsstadene som voks fram etter 1842, då byborgarane sitt handelsmonopol i distriktet vart oppheva. Handelen her tok til i 1898, og krambua står slik ho var i 1960, då handelsverksemda flytta opp til hovudvegen. Handelsbu, smie og ei sjøbu står det her idag; den karakteristiske vindearka fortel om kva bygningar som var nytta til lager og handel.
Nytt liv
Dei siste ti-åra har det komme nytt liv i husa på Årbakka. Kunstlaget Njardarlog har skipa eit kunstgalleri i sjøbua, og i krambua finn du kunsthandverk og friske urter frå urtehagen, i tillegg til eit lite båtmuseum.