Hernar og Herdla
På Hernar budde Aslak Erlendsson. Han vart kong Inges lendmann og rådgjevar. Aslak er ein av dei tidlegaste jordeigarane vi kjenner namnet på i Bergen. Han åtte ein bygard ute ved Sandbrekke, der han investerte overskotet frå garden og fisket på Hernar.
Det same var tilfellet med kongsgården på Herdla. Eigaren Einar, son til Lakse-Pål, hadde også ein bygard i Bergen. Ein dag i 1139, då han sat på gangdagetinget på Hamre i Osterfjorden, kom Sigurd Munn og Magnus Blinde og herja garden hans og tok langskipet. Nokre år seinare, i slaget i Bergen mellom kongsbrørne Sigurd Magnusson og Inge, støtta Einar Lakse-Pål og Aslak Erlendsson kvar sin part i striden.