Skrivargarden
I 1815 vart det lagt ut ein embetsgard til skrivargard ved sida av sjefsgarden. Hit kom sorenskrivar Mons Lie i 1845. Sonen Jonas var då tolv år gammal. Nokre år seinare flytta familien inn på sjølve sjefsgarden. På denne tida var nok omgjevnadene meir idylliske enn i dag. Hovudhuset var ein einetasjes bygning med ein vakker inngangsportal.
Forfattaren Jonas Lie
Jonas vart godt kjend med folket i bygda og etter kvart lærte han seg bygdemålet. Det er særleg i romanen «Gaa Paa» Jonas Lie har nytta tilfang frå Sunnhordland. Denne romanen er ei nærstudie av tilhøva i ei fjordbygd, og ikkje minst eit livfullt tidsbilete frå den store perioden i vintersildfisket. Seinare har sjefsgarden fått bygd på ein etasje, men portalen, trappa og den vakre hagen er den same som i 1850-åra, då familien Lie budde her.