Brukt til så mangt
Maskina på bildet vart brukt av Karl Ramstads Lenestolfabrikk, på Aure i Sykkylven, frå ca 1945 til ca 1957. På grunn av støvplaga vart maskina brukt i friluft, utanfor låvebygget på Ramstadbruket. Ho vart driven med reimoverføring frå ein seks hk motor, som også vart brukt til vinsj for å få høy inn på låven.
Afrikansk sjøgras
Alfa er sjøgras, som hovudsakleg vart importert frå Nord-Afrika. Den kom i kompakte ballar, og stoffet måtte rivast opp før det kunna brukast som stoppmateriale i møblar. Mange møbelveteranar kan fortelje at dumba dreiv og at dei knapt såg ei hand for seg når rivemaskina var i aksjon.
Krøllhår med spenst
Krøllhår er dyrehår, som hestetagl, grisebust og kamelhår. Materialet vart spunne i store fletter, for at det skulle få rette spensten. Desse vart rive opp av maskiner, og brukt i lag med alfagraset i stopping av møblar.
Fleire smakebitar frå møbelindustriens kvardagsliv finn du på Norsk Møbelfaglig Senter sine heimesider.