• Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)
  • Photo: Alex Kurbanov (Opphavsrett)

Orgeljubileet på Gullstein

 

 

Det noverande orgelet var levert av Vestre Orgel- og Pianofabrikk frå Hareid (det var faktisk to år før fabrikken gjekk konkurs og vart lagd ned, etter nesten 100 års drift). Orgelet er ”tradisjonelt” barokkmekanisk med sløyfelader, med to manual og pedal, ytre svellboks og fylgjande disposisjon:

I. Man.

1. Rørfløyte 8`
2. Principal 4`
3. Blokkfløyte 2`
4. Mixtur 3 fag

Pedal

5. Subbass 16`
6. Pommer 4`

II. Man.

7. Spissgamba 8`
8. Gedakt 8`
9. Koppelfløyte 4`
10. Principal 2`
11. Superkvint 1 1/3
12. Tremolo

Koplar: II – I, II – P, I – P

Eigentleg, var orgelet påbyrja i 1979 inno, men stod ferdig montert året etter. Men att til artikkelen si byrjing… Kvifor ”orgelmysteriet”? Javel, fordi ikkje berre at det var (og framleis er) vanskeleg å finna nøyaktig når (månad, dagsdato) i 1980 det nye orgelet var installert (trass at dei fleste gode tustningar i millomgenerasjon kunne truleg hugsa dette ganske godt…). Det var like eins ingen som visste kor det gamle orgelet gjekk av etter demontering. Var det seld bort? Eller var det berre kasta i avfall? I allfall, pipone, vindladene og mykje anna kunne kanskje gå tapt gjenom dei siste tretti åra… Det er ingen kjellar i Gullstein kyrkje i det heile, og på kyrkjetårnet er det altfor liten plass, so er det ingen plass for å taka vare på gamalorgelet på Gullstein, i motsetting til Aure (i kyrkja på Gullstein, uppe på galleriet, finst det berre orgelbenken frå 1980 som ikkje er i bruk lengjer)… Artikkelforfattaren hadde fleire gong snakka med monge tustningar som sikkert kunne veta kva hadde hendt med gamalorgelet (m.m. med sjølvaste eminente organisten Leif Hannasvik). ”Men det var der ingen som vidste”, - skulle gamle Bjørnstjerne seia… Fryktleg rart… Heilt vonlaust…

Nei, ikkje heilt vonlaust, - ein dag i midten av juni kom det eit gledesbod frå Anders Hagen på Tømmervåg som såg gamalorgelet sitt spelebord… Utruleg… Kor då? Jo, i den lille kjellaren til det tidlegare bårehuset ute på Gullstein kyrkjegard! Men gleda til å treffa gamalorgelet baud samstundes på vonbrot – spelebordet var låst, so ein veit ikkje noko um disposisjonen og andre moglegskap til gamalorgelet enno… men, i allfall, eit lite steg fram er gjort og ei lita von er kome (han Anders meinte at nyklane ikkje var forsvunne bort…). Til slutt, litt meir um gamalorgelet: I fylgje Stein Johannes Kolnes sitt ”Norsk Orgelregister 1328 – 1992”, var dette orgelet (av dei trufaste Brødrene Torkildsen, Åsen, Nord-Trøndelag) det allerfyrste kyrkjeorgel på Gullstein. Det kom i 1920, ikkje året før (som stend i brosjyren ”Gullstein kirke 100 år” frå 1969). Årstalet 1920 stadfestar sjølve Brødrene Torkildsen på netsida si, www.btorgel.no/index.php?p=32-32-28. Det var eit pneumatisk (som ogso var typisk for dåtida) instrument med kjeglelader, heilt ikkje stort - hadde berre éitt manual og pedal, truleg berre 6 register (stemmer) og ein transmisjon (”om orgelet inneheld register som har lånt sine piper frå ein anna stemme, er desse låna oppførte som transmisjonar.” – Kolnes, ”Norsk Orgelregister…”, s. 5). Sjølvaste Edvard Bræin var orgelkonsulent… Tida skal visa fram, kanskje det er fleire detaljar um gamalorgelet som kjem fram ein dag. Me vil ikkje gje upp, i allfall!


* * *


Desse hev vori faste tilsette organistar på Tustna, sidan det fyrste orgelet kom i 1920:

Ole Soleim (1882 – 1939)
Ole Birger Indergaard (1919 – 1985) (seinare lensmann i Rissa…)
Paul Halsbog (1918 – 2004)
Leif Hannasvik (*1926)
Harald Bersås (*1939)
…og artikkelforfattaren, Alex Kurbanov (*1971)
 

 

 

Share to