Hovudprinsippa i allemannsretten er lovfesta i friluftslova av 1957.
Allemannsretten gjeld i utmark. Der kan du:
• ferdast fritt til fots og på ski
• rasta og overnatta
• ri eller sykla på stiar og vegar
• bada, padla, ro og bruka seglbåt
• plukka bær, sopp og blomar
• fiska fritt etter saltvassfisk
Med sykkel kan du sykla etter vegar og stiar i låglandet og fritt i høgfjellet. Du kan sykla der det er allmenn ferdselsrett. Dersom det ikkje er snakk om organisert eller kommersiell ferdsel,
kan du òg sykla på vegar og tilrettelagde stiar gjennom innmark for å koma til utmark. Hugs at vegen, stien eller terrenget der du syklar skal kunne tola slik bruk. I nokre markaområde, friluftsområde og naturvernområde kan det vere forbode å sykla, eller området kan ha spesielle reglar for sykling.
Dersom du syklar i utmark, må du hugse:
• at du ikkje må sykla i sårbart terreng, og at høgfjellsnaturen er utsett for terrengslitasje (myr, tørrberg o.a.).
• at ikkje alle stiar er eigna for sykling – bruk dei stiane som toler det.
• å leggja sykkelturen til dei minst brukte turstiane for å unngå konfliktar med turgåarane.
• å sykla slik at du ikkje forstyrrar vilt og husdyr.
• å sykla med ein fart som er tilpassa turferdsel og ikkje forstyrrar dei som går.
• å bruka etablerte raste- og bålplassar og vere ekstra forsiktig når du bruker eld.
• å ikkje setja opp telt inntil hus eller hytter der det bur folk (minst 150 meter der det ikkje er gjort unntak ved forskrift).
• å respektera nærings- og brukarinteresser.