D/S "Isflora" (1) er opprindeleg bygd som D/S "Isflåmann" i tre ved Erik Lindstøls Båtbyggeri, Søndeled i 1916, på oppdrag av AS Isflåmann, ved Elling P. Aarseth, Ålesund. Skuta var 101,8 fot lang, 22,3 fot brei og 10,6 fot djup. Ho var på 149,18 bruttotonn og 64,14 nettotonn. Skuta fekk innsett ei 130 indikerte hk. tostegs dampmaskin bygd ved Rosenberg Mek. Verksted i Stavanger. I 1931 er det Vesten- og Nordenfjelske Skipshypotekforening som står som eiger, og selskapet sel vidare D/S "Isflåmann", til partsreiarlaget AS Isflora i Brandal, og fekk fiskerimerket M-20-HD. Partsreiarlaget bestod av Hagerup Larsen (5 aksjar), Rikard Larsen (6) aksjar, Oskar Rimstad (2) aksjar, Jakob Rasmussen (2) aksjar, Sigvald Skaar (2) aksjar og Olaf Klepp (1) aksje. Sommaren 1939 blei D/S "Isflora" (1) forlenga og modernisert ved Liaaens Mek. Verksted i Ålesund. Etter ombygginga vart skuta 114,3 fot lang, 22,3 fot brei og 10,4 fot djup. Ho var på 168,12 bruttotonn og 70,59 nettotonn. Ho fekk og innsett ei ny maskin, ein 400 hk. Deutz diesel. M/S "Isflora" vart i juni 1940 rekvirert av tyskerane og brukt som vakt og patruljebåt under navnet "Taifun". Natt til 9. august 1942 kolliderte "Taifun" (Isflora) med rutebåten "Fjæra" og sokk i Langenuen, sundet mellom Tysnesøy og Stord. Modellen av "Isflora" er slik skuta var når ho kom ut ny frå byggeverftet i 1916.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».