Kjole sydd av svart silketaft, handsydd (truleg i utlandet).
Livet har bakovertrekte side- og skuldersaumar og heil rygg med panelsaumar på kvar side. Framstykka har drapering frå skulder som skrår inn til livet midt framme, foret på desse stykka har to innsnitt på kvar side. Lukking midt framme med stålhekter. Det er påsydd pyn...
Kjole sydd av svart silketaft, handsydd (truleg i utlandet).
Livet har bakovertrekte side- og skuldersaumar og heil rygg med panelsaumar på kvar side. Framstykka har drapering frå skulder som skrår inn til livet midt framme, foret på desse stykka har to innsnitt på kvar side. Lukking midt framme med stålhekter. Det er påsydd pynteknappar med stjernemotiv. Halsen er kanta med svart bomullsblonde. Ermane har stor vidde med doble innoverlagde wienerfoldar på toppen og på kvar side. Rundt handleddet er det lagt tette foldar som går bakover før handlinning er påsydd. Denne er lukka med hekte og trådhempe. Heile livet er fora med glansa, ubleika bomull.
Skjørtet er samansydd av 8 høgder, jare mot jare. I livet er vidda lagt inn i doble wienerfolder. Nedkanten har brei skonering av svart, glansa bomullslerret. I kanten er ei tynn, tvinna bomullssnor sydd til, denne fungerar som ein slitekant. Skjørtet har ein 3 cm brei hengefald 12,5 cm frå nedkanten. Liv og skjørt er sydd saman med ein smal tittekant av stoffet med ei snor inni.
Kjolen er sydd saman med ein kombinasjon av ein forhaldsvis tynn, brun lintråd og svart silketråd.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».