Fødd i Morgedal i januar 1897 som yngst av 11 sysken. I unge dagar dreiv han forretning i Kviteseid og møtte Erik Werenskiold og viste han nokre måleri og teikningar oppe på romet sitt. - Slutt med landhandleriet og bli kunstmaler, rådde Werenskiold han til. Olav var frista til å fylgje rådet, men var redd fattigdomen. Ein tid var han tilsett hos Trovatn Landhandel i Øyfjell, og der trefte han kunstnaren Sveinung Svalastoga som oppmuntra han til å gå kunstnarvegen. Seinare eigde og dreiv Olav sagbruk i Lårdal, og då fekk han telegram frå Gunnar Utsond : "Gratulerer med dagen, slutt med sagen."
Olav tok eit kurs på Leon Aurdals malerskole på Majorstua og gjekk på Kunstakademiet i 1936.
Motiva henta han frå landskapet i Telemark. Han måla i ein naturalistisk stil, med grove penselstrøk og sterke fargar.
Hadde ein stor produksjon, om lag 600 måleri. Olav var bydekunstnar og multitalent; flink treskjerar og rosemålar, spilte fele og skreiv lyrikk, ga ut diktsamling på eiga forlag.
![Steinpikkaren [Bronseskulptur]](https://dms-cf-09.dimu.org/image/019EBwErnCRiZ?dimension=250x250)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».