SubjectØlen blandakor i Ølen, 1943. Framme, frå venstre: Magdeli Monstad, Laura Helgesen, Jensine Løvdahl, Olga Fjæra, dirigent Leif Austrheim, Johanne Eide, Bergliot Eide, Inger Opdal og Agnes Lunde. 2. rekkje, frå venstre: Ranveig Hopland, Anne Lise Palm Magneli, Jenny Heggebø, Agnes Andersen, Solveig Eide, Gudrun Handeland, Sigrid Bjørgen, Margit Kristiansen, søster Marie og Marie Nerheim. 3. rekkje, frå venstre: Johannes Handeland, Arne Nesje, Hans Heggebø, Torleiv Heggebø, Toralf Klungland, Svein August Lindøe, Knut Strømø, Johannes Løvdahl og ukjend.
Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.
I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».